Тарагт суманд зохион байгуулагдсан тус арга хэмжээний хүрээнд:

Богд хааны ордон музейн захирал Ц.Эрдэнэбаатар “Үндэсний нэгдмэл үнэт зүйл, Монгол хүний ондоошил” сэдвээр соён гэгээрүүлэх илтгэл тавьлаа.

Энэхүү үйл ажиллагааны онцлог нь

Болор цомын эзэн Ц.Эрдэнэбаатар,

Болор цомын шагналт Ч.Ууганбаяр, Т.Өсөх-Эрдэнэ нар Болор цом наадамд уншсан шүлгээсээ уншиж сонордуулав.

Энэ нь Монгол Улсын урт хугацааны бодлого – 2050 бодлогын баримт бичигт дурдсан утга зохиол, урлагаар дамжуулан үндэсний нэгдмэл үнэт зүйлийг бэхжүүлэх гэсэн зорилттой нийцэж байгаагаараа онцлог байлаа.

Улсын филармоний дуучин Т.Отгонбаяр, Цагдаагийн ерөнхий газрын “Сүлд” чуулгын дуучин Ж.Үржинханд, М.Энхтуяа, чөлөөт уран бүтээлч дуучин Г.Дорждэрэм, М.Ариун-Эрдэнэ, Тарагт сумын соёлын төвийн дарга Т.Лхагважав нар тоглолтоо өргөн барьсан байна.

Мөн энэ үеэр Өвөрхангай аймгийн Тарагт сумын соёл төвийн Соёлын өв хариуцсан мэргэжилтэн Г.Долгорболоож “Монгол улсын Соёлын тэргүүний ажилтан” цол тэмдэгээр, Хөгжмийн багш н.Батбилэг Монгол улсын тэргүүний ардын авьяастан цол тэмдэгээр тус тус шагнагдсан юм.

Тус аяны чөлөөт арга хэмжээг Өвөрхангай аймгийн Тарагт сумын “Тарагт-Зөв цаг” бүжгийн клубын хамт олон хамтран зохион байгууллаа.

Богд хааны ордон музей

“21 Дара эх” гэрэл зургийн үзэсгэлэнг Тарагт сумын иргэд олон нийтэд дэлгэн үзүүлсэн байна.

#СОЁЛЫН_СЭРГЭЛТ ӨВӨРХАНГАЙ АЙМАГ, ТАРАГТ СУМ